ငါးပြတိုက်ကြီးဝယ်ပေးပါလို့ လျှောက်ပြောနေတယ် လက်ဖ်တယ်နယ်ကြောင်

ခေါင်ရမ်းပန်းတွေ

စိတ်လိုလက်ရအရမ်းပွင့်တာပဲ

ကဲ လာကြ ဘူမိဗေဒဆိုင်ရာတွန်းအားမျိုးနဲ့ ညီအကို လို

လေးလေးနက်နက်အော်မယ် ။

ဓါတ်တိုင်မှာတွဲလောင်းချည်ထားတဲ့ မီးကျွမ်းလက်ပြတ်ကြီးကို

ရဲကင် လို့ခေါ်တယ် ပြောတယ်

ချက်နည်းပြုတ်နည်းအသစ်အဆန်းပေါ်ကို  လက်ခုတ်သြဘာသံတွေ

ပြိုကျလာတာ

ဖေဖေ သားဒီနားမှာမနေချင်တော့ဘူး အရမ်းပျော်တယ် ။

ပီယာနိုကိုကယ်တင်ရန်လို့ ကြောင်ကပြောပြီး ညနေ ၄ နာရီမှာ

အာဏာသိမ်းလိုက်တယ်

ကြောင်သောက်ရေခွက်ထဲ ရေဖြည့်တယ် ၊

အချိန်မှန်ပြီး နေရာမှားသွားတဲ့ကြောင်တွေ အန်ဒီဝါးဟိုးကိုပိတ်ကန်ပစ်ဖို့

ဝန်မလေးဘူး ။

ကလေးသစ်ကိုင်းတွေက စာသင်ခန်းအပြင်မှာ ဆိုးမြွေတောင်းသူလိုရပ်တန့် ၊

ကျူးကျော်တဲရဲ့ခေါင်မိုးများ နှုတ်ခမ်းပြာနှမ်း နေတယ် ၊

ပါးလှပ်လှပ် ဘောင်းဘီအမည်းကွက်လေးဝတ်ဆင်ထားတဲ့ တိုင်းပြည်မှာ ၊

ကျွန်တော့်အဖေ အမှိုက်ခွန်ဆောင်တဲ့ပိုက်ဆံတွေနဲ့ ခင်ဗျားကိုလစာပေးထားတာ

ပြောလဲ မရပ်ဘူး ။

ခင်ဗျားတို့ ကြောင်ဘုရားတွေ တော်တော်ခက်တာပဲ ၊

သူရဲဘောကြောင်ပြီး ဗုံးခွဲတယ် ၊ နောက်မှ စုံထောက်စာမေးပွဲလမ်းညွှန်စာအုပ်

ဖတ်တယ်ဆိုတာ

လစဉ်သွေးပေါ်မှုလို လိုအပ်တဲ့အလုပ်လို့ပြောကြ ၊

စိတ်ငြိမ်ဆေးပေးထားတဲ့ ရွေးကောက်ပွဲစာရွက်ကို လုံးချေပစ်လိုက်ပေ့ါ ။

သူမရပ်နေတယ်

ဘင်္ဂလားပင်လယ်အော်ဘက်လှည့် ပစ္စည်းအပြည့်အစုံနဲ့ sexy post ပေးပြီး ၊

သူမညာဘက်တင်ပါးကို ဘင်္ဂါလီတွေက တို့ဆိတ်တယ်

ပခုံးသားနှစ်ဖက်ပေါ်က သစ်လုံးတွေ ခိုးထုတ်တယ်

လက်ဝဲဘက်ခြမ်းတစ်ခုလုံး လက်နက်ကိုင်တွေ ခိုးလှေတွေနဲ့ ဆေးမင်ကြောင်

ထိုးထားတာ သူတို့က သိပ်လှတယ်တဲ့ ။

  တော်တော့ ၊ ကြောင်မိဘဆိုတဲ့ ဒီလူတွေလက်သည်းကနေ လွတ်မြောက်ချင်တယ် ၊

ညစာစားပွဲမှာ ညစ်တီးညစ်ပတ် မက်ဆေ့ခ်ျတွေ တည်ခင်းတာမရပ်ရင်

ဆောင့်ကန်မိလိမ့်မယ်

ခင်ဗျားတကယ်ချစ်တာက ခင်ဗျားခွေးလေးဘရက်ကီကို ချစ်တာပဲမြင်ဖူးတာ ၊

ခင်ဗျားတို့ အမှိုက်စားပြီးသေလိုက် ။

အိမ်သာသုံးစက္ကူနဲ့ထုပ်ထားလဲ ဓါတ်ငွေ့ကရတဲ့ပိုက်ဆံက သိပ်လှတာပဲ

လက်ရှိစနစ်အတိုင်း ကိုယ့်နိုင်ငံကပဲ ကိုယ့်ကိုဒုက္ခသည်လို့ခေါ်ခံရတယ် ၊

အမှန်တရားကတော့

တစ်နေ့မှာ ရွေးကောက်ခံမယ့်စာကလေးတွေ ကျလာမှာ ။

စဉ်းစားတတ်တဲ့ကြောင်တစ်ကောင်

တွေးလိမ့်မယ်

ငါးပြတိုက်ထဲ ခေါက်တုံ့ခေါက်ပြန်လျှောက်လဲ မရူးနှမ်းဖို့ကို ။          ။

ခိုင်မြဲကျော်စွာ

၁၆ - ၁၀ - ၂၀၁၄

(2015 /feb  - Idea magazine )